Coumo toutis les jouves valents e arderouses que podoun pas jamai demoura en unos, nostre counfraire del Gril, 'en J.-Felician Court, es partit, un bel joun, per le païs des troubadous, — e, à peno tournat, roundoment, a voulgut escrieure sa relacieu de vouiatge dins le parla proubé francimandejat de soun bàrri de Sant-Miquel. Es doumatje que nostre brave Court s'en siogue pas anat ço des troubadous en coumpagno de nostre sabent counfraire e amic, Camile Chabanèu qu'a balhat, dins l'Istorio generalo del Lengodoc, t. X, edicieu Privat, soun magnific travalh sus nostris pouètos del Mejan-Atge. Coussi, alavets, aurio pla vint aquel remirable mouvoment literàri del Miechjoun e aquelis trou¬badous de Toulouso : Guilhem Anelier, At. de Mons, Guilhem Figuiera, Aimeric de Peguilhan, Guiraud le Rous, Peire Vidal, Peire Raimon, Peire Guilhem, Guiraud d'Espanha, Jaufre de Toulouso, Pons San¬tolh, Pons de Montlaur, Joios de Toulouso, Guilhem Monnier ? O glorios del tems passat ount las libertats laucejéroun